Një tërmet me magnitudë 6.1 ka vrarë të paktën 200 njerëz në Afganistan, thotë autoriteti i menaxhimit të fatkeqësive të vendit.
Tërmeti tronditi pjesën e Afganistanit lindor dhe pjesë të Pakistanit gjatë orëve të para të së mërkurës, tha Shërbimi Gjeologjik i SHBA-së (USGS).
Numri i të vdekurve ka të ngjarë të rritet, thanë mediat.
Tërmeti goditi rreth 44 km (27 milje) nga qyteti i Khost në Afganistanin juglindor dhe ishte në një thellësi prej 51 km (31 milje), sipas USGS.
Lëkundjet u ndjenë në një distancë prej rreth 500 km (310 milje) nga rreth 119 milionë njerëz në Pakistan, Afganistan dhe Indi, tha Qendra Sizmologjike Mesdhetare Evropiane (EMSC) në një postim në Twitter, shkruan Al Jazeera.
“Lëkundje të forta dhe të gjata,” postoi një dëshmitar në EMSC nga Kabuli. “Ishte e fortë,” postoi një tjetër dëshmitar nga Peshawar në Pakistanin veriperëndimor
