Grupi parlamentar i Partisë Demokratike, e ka cilësuar kandidaturën e propozuar nga PS për President të Republikës, Bajram Begajn, si një emërim të ardhur nga mafia e pronave.
Me anë të një deklarate për mediat grupi parlamentar i PD, thekson se emri i Begajt nuk ishte aspak surprizë, pasi Rama nxori nga xhepi një kandidat të paracaktuar nga mafia e pronave.
Reagimi i PD:
Asnjë surprizë nga procesi personal i Edi Ramë për zgjedhjen e Presidentit të Republikës. Ai nxorri sot nga xhepi zarfin me emrin e kandidatit të paracaktuar nga mafia e pronave shtetërore.
Grupi Parlamentar i Partisë Demokratike kishte paralajmëruar se Edi Rama i ka farsë përbetimet për President konsensual dhe gjithëpërfshirës. Moslegjitimi i kësaj farse të paralajmëruar nga ana jonë, qoftë edhe me votë kundër, është detyrë e çdo deputeti të Opozitës.
Pjesemarrja në votim nënkupton që ti japësh fytyrën e normalitetit demokratik regjimit të Edi Ramës, ndërkohë që ai po ndërmerr një akt tjetër personal për të asgjesuar një tjetër institucion kushtetues të pavarur.
