Detaje të reja kanë dalë në dritë nga grabitja e BKT në Koplik.
Tre persona, të maskuar e të armatosur, kanë marrë një shumë parash e më pas janë larguar në drejtim të paditur.
Gazetari Nikshiqi mëson se ata janë larguar me një makinë tip “Golf” të zi, ndërsa për fat të mirë, nuk ka raportime për persona të lënduar.
Mësohet gjithashtu se në dalje të Koplikut është gjetur një makinë e djegur, por ende nuk dihet nëse është e autorëve të grabitjes së bankës.
Policia deri më tani nuk ka një njoftim zyrtar lidhur me ngjarjen.
