Deputeti dhe Kryetari i Këshillit Kombëtar të PD, Edi Paloka shkruan sot se loja e turpshme për të paraqitur Presidentin e Ramës si konsensual zhvillohet përpara syve të publikut e në mënyrën më të trashë. Paloka ka reaguar pas draftit të propozuar nga Enkelejd Alibeaj për zgjedhjen e Presidentit të ri.
Ai shkruan se Rama bën sikur mbledh mendimet e deputetëve të PS me zarf, Alibeu bën sikur mbledh mendimet e deputetëve të tij me e-mail.
POSTIMI I PLOTË
Nga zarfet e grupit te PS tek “zarfet” e grupit Alibeu.
Propozimet e Rames shiten si kritere të “opozitës” !
Loja e turpshme për të paraqitur Presidentin e Ramës si President konsensual, zhvillohet përpara syve të publikut e në mënyrën më të trashë. Rama bën sikur mbledh mendimet e deputetëve të PS me zarf, Alibeu bën sikur mbledh mendimet e deputetëve të tij me e-mail. Në finale, kandidati i Ramës do dale nga goja e L.B, E.A …
Nuk e di nëse ata deputete (te zgjedhur me votat e demokrateve) që vazhdojnë ndjekin këtë rrugë, janë thjeshtë viktima naive që po përdoren apo janë me vullnet të plotë në këtë lojë?! Përgjegjësia është e tyre.
