Një anije që transportonte mbi 71 mijë ton misër ukrainas është ankoruar në portin rumun i Detit të Zi të Konstancës të enjten, i pari që prej fillimit të luftës.
Me portet detare të Ukrainës të bllokuara që nga fillimi i luftës më shumë se dy muaj më parë, eksportuesi i katërt më i madh në botë i grurit është detyruar të dërgojë dërgesa me tren nëpërmjet kufirit të saj perëndimor ose përmes porteve të vogla të lumit Danub në Rumani.
“Kjo është anija e parë panamax me misër ukrainas që largohet nga porti,” tha presidenti i Comvex Viorel Panait për Reuters.
Anija që merr ngarkesën është Unity N, sipas Reuters.
“Mbështetja e eksporteve të drithërave ukrainase do të thotë të parandalosh një valë kolosale urie globale të shkaktuar nga bllokimi i porteve të Ukrainës,” tha Panait.
Comvex operon terminalin e grurit me ngarkimin më të shpejtë në Evropë, i cili mund të përpunojë deri në 70,000 ton në ditë, si dhe një terminal për trajtimin e mineraleve, tha Panait, i cili është gjithashtu president i Shoqatës së Biznesit të Portit të Konstancës.
Më herët gjatë javës, operatori përfundoi ngarkimin e rreth 35,000 tonë mineral hekuri ukrainas, me një anije të dytë që pritet të ngarkohet rreth 15 majit.
“Krahasuar me momentin fillestar, kur të gjithë kërkonin alternativa, korridoret e transportit për këto eksporte po marrin formë dalëngadalë”, tha Panait.
Anëtarja e Bashkimit Evropian, Rumania, ndan kufijtë në Detin e Zi, një arterie kryesore detare për drithërat dhe naftën, me Bullgarinë, Turqinë, Gjeorgjinë, Ukrainën dhe Rusinë.
Por, duhej më shumë punë në infrastrukturën lidhëse të portit, tha Panait.
“Infrastruktura rreth portit është një problem për të gjithë aktivitetin ekonomik në Rumani … qasja e ngadaltë gjeneron kosto shtesë në këto industri.”
