“Kosova është e mbushur me thesare historike, duke filluar nga xhamitë e epokës osmane e deri te manastiret madhështore”.
“Pak njerëz mendojnë për Kosovën si një destinacion turistik, por ky kënd intrigues i Europës ka filluar dalë nga dalë të kapë vëmendjen e atyre që janë në dijeni”.
Kështu shkruan “Bradt Travel Guides”, një udhërrëfyes turistik në Britani, duke rekomanduar Kosovën mes 15 vendeve të jashtëzakonshme për t’u vizituar gjatë këtij viti.
“Vendi, i cili ishte një rrëmujë vetëm 15 vjet më parë, sot është e vështirë për të gjetur gjurmë të dukshme të konfliktit të kaluar”, vazhdon më tej shkrimi.
“Me ndërtimin e hoteleve të reja në të gjithë vendin dhe më një infrastrukturë të re turistike, kjo është koha më e mirë për të eksploruar këtë vend, me një mikpritje të ngrohtë, peizazhe të mrekullueshme, thesare kulturore, aventura në natyrë, si dhe kafeja më e mirë jashtë Italisë”.
