Dhjetë ushtarë rusë janë identifikuar nga autoritetet ukrainase si “kasapët e Buches. Mes tyre janë një balerin profesionist dhe një burrë, që festoi ditën e lindjes duke kryer një masakër.
Grupi, i përshkruar si “kriminelë lufte” nga Kievi, besohet të jetë nga Brigada e 64-të e forcave ruse.
Ata u vendosën në Bucha ndërsa mizoritë e supozuara po kryheshin nga trupat ruse.
Të quajtur “Dhjetëshja e neveritshme”, fytyrat dhe emrat e burrave u publikuan nga Ministria e Mbrojtjes e Ukrainës.
Midis 10 ushtarëve të identifikuar janë rreshteri i ri Viacheslav Lavrentiev, një zjarrfikës para luftës, artisti luftarak Grigoriy Naryshkin dhe balerini profesionist, Semen Maltsev.
Një pjesë e grupit thuhet se kanë vazhduar të postojnë në Facebook që nga shpërthimi i luftës.
Sergey Peskariov, 24 vjeç, la punën e tij në një supermarket në nëntor në pritje të luftës me Ukrainën.
Tentetari i martuar Mikhail Kashin thuhet se ka festuar ditëlindjen e tij në Bucha duke masakruar civilë.
Ndërkohë, rreshteri Nikita Akimov, i cili thuhet se ka rrëmbyer dhe torturuar personalisht civilët në Bucha, ka vazhduar të postojë fotografi të fëmijëve të tij të vegjël në Facebook.
“Kjo njësi është shpërblyer për mizoritë e saj dhe është kthyer në fushën e betejës. Drejtësia për kriminelët e luftës është e pashmangshme”, thonë autoritetet ukrainase.
Vetëm 10 ditë më parë, Vladimir Putin zgjodhi të nderojë grupin e fajësuar për masakrën e Buches, duke i dhuruar Brigadës 64 çmime për “heroizmin dhe trimërinë” e tyre.
Komandanti i “kasapëve” të Buchas, nënkolonel Azatbek Omurbekov, u gradua javën e kaluar në gradën e kolonelit.
Është zbuluar se Omurbekov ka marrë një bekim nga Kisha Ortodokse Ruse në nëntor.
Muaj më vonë, trupat që ai komandonte dyshohet se kanë masakruar dhe torturuar qindra civilë ukrainas.
Identiteti i dyshuar i burrave u gjet pas një hetimi të përbashkët nga zyra e Prokurorit të Përgjithshëm në Ukrainë dhe agjencia e lajmeve Slidstvo.
Viacheslav Lavrentiev: 29 vjeç, një zjarrfikës në Transbaikal, Rusia lindore para luftës.
Postuar në Facebook: ‘Jeto një jetë, kurse mijëra’
Grigoriy Naryshkin: 30 vjeç, nga Rusia e largët lindore. Një atlet dhe artist luftarak, i akuzuar personalisht për krime lufte nga Prokurori i Përgjithshëm i Ukrainës
Vasiliy Kniazev: 24 vjeç, u rrit në varfëri në Yoshkar-Ola, në Rusinë Perëndimore. U bashkua me ushtrinë që nga shkolla. Ka postuar foto në Facebook se ku ishte vendosur Brigada e 64-të pas pushtimit të Ukrainës
Tetar Semen Maltsev: 26 vjeç, një balerin profesionist para luftës. U largua nga kompania e tij e kërcimit për t’u regjistruar për të luftuar në Ukrainë në shkurt.
Sergey Peskariov: 24 vjeç, la punën në një supermarket në nëntor në pritje të luftës me Ukrainën.
Albert Radnaev: 24 vjeç, iu bashkua ushtrisë menjëherë nga shkolla, edhe babai i tij thuhet se është në ushtrinë ruse
Mikhail Kashin: 24 vjeç, nga Votinsk, Rusia Perëndimore, ku ka një grua dhe disa motra. Ai dyshohet se kreu krime lufte në ditën e ditëlindjes.
Andrey Biziaev: 33, thuhet se ka shërbyer në ushtrinë ruse për më shumë se 10 vjet. Me origjinë nga Khabarovsk, Rusia Lindore
Dmitriy Sergienko: 27 vjeç, nga Voronezh, Rusia jugperëndimore. Ka një grua dhe një vajzë të vogël.
Nikita Akimov: 25 vjeç, nga Komsomolsk në lindjen e largët të Rusisë. I akuzuar për rrëmbim dhe torturim personal të civilëve të pafajshëm në Bucha.
Dyshohet se më shumë se 400 kufoma, shumë prej tyre të gjymtuar dhe torturuar brutalisht, u zbuluan në Bucha pas tërheqjes së trupave ruse.
Analistët ushtarakë kanë pohuar se Putini i ktheu qëllimisht ushtarët në vijën e frontit në mënyrë që ata të “zhdukeshin” dhe të mos detyroheshin kurrë të dëshmonin për krimet e tyre të luftës, shkruajnë mediat.
Burimi: The Sun
