Forcat izraelite kanë hyrë në kompleksin e Xhamisë Al-Aksa, në Jerusalemin Lindor, duke plagosur rreth 30 palestinezë, përfshirë edhe tre gazetarë.
Bastisja e re u zhvillua të premten në mëngjes, me palestinezët që hodhën gurë ndaj policisë izraelite.
Një zjarr i vogël u raportua gjithashtu në kompleks, ku palestinezët fajësuan policinë izraelite për djegien e një peme, ndërsa policia tha se zjarri ishte rezultat i palestinezëve që iu përgjigjën me fishekzjarre.
Gjysmëhëna e Kuqe Palestineze tha se numri i palestinezëve të plagosur ishte 31, duke përfshirë 14 të dërguar në spital për trajtim. Policia izraelite tha se një polic ishte plagosur pasi u godit nga një gur.
Autoritet izraelite fajësuan palestinezët për hedhjen e gurëve dhe tha se ata pritën derisa të përfundonin lutjet herët në mëngjes përpara se të hynin në kompleks.
Vendi i shenjtë ka qenë qendra e ditëve të dhunës mes tensioneve të rritura pas një sërë sulmesh brenda Izraelit dhe bastisjeve të policisë në Bregun Perëndimor, të cilin Izraeli po e pushton ilegalisht.
Kujtojmë se disa ditë më parë, për këtë ngjarje reagoi edhe Presidenti i Turqisë, Rexhep Taip Edogan. Ai dënoi sulmin në xhami gjatë lutjeve dhe shtoi se qëndrojnë kundër provokimeve të tilla, duke shtuar se Turqia qëndron gjithmonë me Palestinën”.
