Kreu i grupit parlamentar i PD, Enkelejd Alibeaj, në një deklaratë për mediat tha se procesi për zgjedhjen e emrit për kreun e ri të shtetit, duhet të jetë transparent.
“Do duhet nisur më këmbën e mbarë duke respektuar kushtetutën dhe atë që ka qenë tradita e deri tanishme e zgjedhjes se presidentit. Unë besoj se procesi 0duhet të jetë transparent gjithëpërfshirës, në sy të gjithë shqiptarëve, për këtë arsye të gjithë e dimë që në raundin e katërt dhe të pestë zgjidhet me votat e maxhorancës, por nuk do duhet përdorur si një mjet për ta futur në zarf dhe pjesa tjetër të zgjedhë zarfin. Do jetë grupi parlamentar i PD që do mbajë qëndrimin e vet”, tha Alibeaj.
