Kryeministri Edi Rama ne nisje te mbledhjes se grupit parlamentar te PS tha se “90% e shqiptareve do ishin me te pershtatshem per rolin e Presidentit te ri se sa Ilir Meta”.
Shefi i qeverise tha se per here te pare, PS ka mundesine dhe votat ta zgjedhe vete presidentin apo presidenten e re.
Por siç tha Rama, tani duhet “që të zgjedhim një figurë për të luajtur në 5 vitet e ardhshme rolin e kreut të shtetit që të rrezatojë normalitet, të ketë integritet, garantojë respekt të ndërsjellë mes institucionit të Presidentit dhe aleatëve tanë strategjikë, partnerëve tanë, miqve të Shqipërisë”.
Deklarata e Ramës:
Sot si jeni informuar jemi mbledhur për të startuar dhe brenda grupit tonë parlamentar procesin e identifikimit të kandidaturës më të përshtatshme për Presidentin apo presidenten e re.
Për herë të parë PS ka mundësinë që ta zgjedhë e vetme Presidentin apo Presidenten, çka do të thotë se për herë të parë ka PS përgjegjësinë për cilësinë e kandidaturës.
Në pamje të parë duket një sfidë e lehtë po të kemi parasysh që thuajse cdo kandidaturë që mund të plotësonte disa kritere fare elementare, si psh njohjen e gjuhës shqipe, pasjen e një karriere profesionale, vetëpërmbajtjen në raport me ligjin e kushtetutën do ishte më e mirë se sa presidenti aktual.
Por nga ana tjetër ajo cka e bën këtë moment shumë përcaktues për karakterin, për ambicien e profilin e PS, është se nuk mjafton thjesht të zgjedhim një person që do ishte më i përshtatshëm për atë rol se sa Ilir Meta.
Gjë që do e përmbushnin si kriter 90% e shqiptarëve, por që të zgjedhim një figurë për të luajtur në 5 vitet e ardhshme rolin e kreut të shtetit që të rrezatojë normalitet, të ketë integritet, garantojë respekt të ndërsjellë mes institucionit të Presidentit dhe aleatëve tanë strategjikë, partnerëve tanë, miqve të Shqipërisë.
