Socialistët do t’i nënshtrohen një procesi të brendshëm zgjedhor në të gjitha nivelet partiake.
Kryeministri Edi Rama gjate punimeve te Kongresit te Partise Socialiste, ne Pallatit te Kongreseve./r/n/r/nPM Edi Rama during the Congress of the Socialist Party, in the Palace of Congresse.
Kryeministri Edi Rama gjate punimeve te Kongresit te Partise Socialiste
Por pas afateve të përcaktuara nga Kongresi i 9 prillit që nisin me 1 maj, grupi i posaçëm i punës për zbatimin e ndryshimeve statuore po harton rregulloren e re mbi të cilën do të zbatohet i gjithë procesi zgjedhor. Këto ditë pritet të dalin aktet dhe rregullorja e re, ndërkohë që dokumenti do t’i paraqitet për miratim Asamblesë Parlamentare të PS-së e më pas do të hapet procesi i zgjedhjeve të brendshme për të gjithë krerët e partisë në të gjithë territorin. Ristrukturimi prek të gjitha nivelet, ndërkohë pritet të njoftohet një tjetër mbledhje e Asamblesë Kombëtare të Partisë Socialiste.
Kongresi i partisë i mbledhur me datën 9 prill vendosi të ndërpresë mandatin për krerët aktualë të PS-së në degët e rretheve, për t’i hapur rrugë zgjedhjeve të reja që do të mbahen në javët e para të majit. Mandati iu ndërpre 61 kryetarëve të PS-së në rang bashkie për të vijuar me procesin e riorganizimit të partisë dhe zgjedhjen e kryetarëve të rinj. Me këtë lëvizje kreu i mazhorancës Edi Rama synon t’i hapet rruga riorganizimit të partisë dhe nisjen e përgatitjeve për fushatën e zgjedhjeve vendore të vitit 2023. Gjithashtu, Kongresi ngriti për herë të parë sekretariatin ekzekutiv në 61 bashkitë, ndërsa u ngritën edhe 3 sekretariate, ai i emigracionit, i koordinimit dhe sekretariati për çështjet ligjore dhe zgjedhore.
Damian Gjiknuri u votëbesua për të vijuar detyrën e tij si sekretar i Përgjithshëm i Partisë Socialiste. Ai mori 277 vota pro. Socialistët rikthyen sekretarin Ekzekutiv, që sipas statutit, do të jetë një lloj kancelari në nivel bashkie. Përfundimisht, kryetarëve që u ndërpritet mandati në kongresin e ardhshëm, do të zgjidhen në nivel bashkie, por do të kontrollohen nga sekretari. Sekretari Ekzekutiv, do të zgjidhet nga kryesia, pra nga qendra. “Sekretariatit Ekzekutiv (Kancelari) në nivel bashkie, që është një nga risitë e Statutit, parashikuar për herë të parë, si organ që përzgjidhet nga Sekretariati Ekzekutiv i Partisë dhe është përgjegjës për çdo aspekt administrativ të funksionimit të partisë në nivel bashkie, i cili përgjigjet njëkohësisht te kryetari i partisë në Bashki dhe në Sekretariatin Ekzekutiv në selinë qendrore. Ky funksion i ri do të jetë me kohë të plotë dhe do të përgjigjet për të gjithë anën dokumentare, administrative, kuotizacionin, duke ndjekur dhe raportuar zbatimin e akteve të organeve më të larta të partisë në nivel vendor”, shkruhet në relacionin sqarues të ndryshimeve statutore të PS-së.
Sipas asaj, që shkruhet në relacionin përkatës të ndryshimeve në statut, duke iu referuar procesit të popullimit të të dhënave të anëtarësisë në regjistrin elektronik, proces që po kryhetprej 5 muajsh, “është konstatuar dhe fiktivitet apo mangësi serioze në administrimin siç duhet të të dhënave në disa rajone apo degë të partisë, përfshirë dhe çështjet që lidhen me kuotizacionin, dokumentacionin e anëtarësisë, numrin e anëtarëve të OS apo aktivitetin e vetë organizatave.
Kjo dikton nevojën e ngritjes së një strukture të mirëfilltë administrative/ ekzekutive në të dyja nivelet si në qendër, detyrë që kryhet tashmë nga Sekretariati Ekzekutiv, ashtu edhe në nivel organizimi politik vendor, degët e partisë në çdo bashki”, shkruhet në relacion. Ndërsa drejtuesi Politik i Qarkut, sipas ndryshimeve të reja statutore, do të jetë patjetër anëtar i kryesisë së Partisë dhe do të zgjidhet nga Asambleja Kombëtare. Praktikisht, të gjithë të zgjedhurit në nivel drejtimi në bashkitë e ndryshme në vend, do të jenë të emëruar, dhe jo si produkt i zgjedhjeve të brendshme në parti në struktura. Në relacionin sqarues, nuk shpjegohet se pse u është hequr e drejta e votës dhe e drejta e zgjedhjes përfaqësuesve lokalë të partisë dhe anëtarësisë së saj. Zgjedhjet e brendshme në parti shihen si një proces hapje për PS-në në të gjitha nivelet e organizimit.
VENDIMET
1. Të ndërpresë mandatin 4-vjeçar të kryetarëve aktualë të partisë të bashkive;
2. Zgjedhja e drejtuesve të rinj të partisë në bashki të bëhet në përputhje me kërkesat e neneve 26 dhe 27 të Statutit dhe të Librit të Rregullave të Partisë;
3. Brenda datës 30.4.2022, Asambleja Kombëtare e Partisë të miratojë rregullat, procedurat, kriteret për organizimin e procesit të zgjedhjes për strukturat vendore të partisë si pjesë e Librit të Rregullave me ndryshimet e reja në Statut;
4. Procesi i zgjedhjes së strukturave drejtuese të partisë në çdo bashki do të zhvillohet në periudhën 1 maj – 15 qershor 2022;
5. Kryetarët aktualë të partisë së bashkive do ushtrojnë detyrat e tyre deri në zgjedhjen e kryetarëve të rinj;
6. Ngarkohet Kryesia e Partisë dhe Sekretariati Ekzekutiv për zbatimin e këtij vendimi
