Era e fortë ka krijuar probleme me furnizimin me energji në zonën e Lezhës. Korrespondenti i Panorama.al bën me dije se janë disa fshatra të cilat kanë mbetur pa rrymë elektrike, ndërkohë që grupet e punës po vijojnë riparimet në terren për të bërë të mundur rikthimin e energjisë.
OSSHEE bën me dije se është punuar gjatë gjithë ditës së djeshme, në orët e vona të natës si edhe po vazhdon të punohet për rikthimin e energjisë në zonat e ngelura pa energji, Kallmet, Rraboshtë, Fishtë, Krajën, Gjader, Mabë, Zejmen, Pllanë, Rrilë e Tale.
Pritet që energjia elektrike në këto zona të rikthehet rreth mesditës së sotme.
