Kievi dhe Lviv janë zgjuar mëngjesin e kësaj të shtune me shpërthime të fuqishme, raporton BBC.
Ka qenë kryebashkiaku i Kievit, ai që ka konfirmuar shpërthimet në kryeqytetin e Ukrainës.
Vitali Klitschko bëri një postim në “Telegram” dhe shkruante se shpërthimet goditën lagjen Darnytskyi në periferi të qytetit.
Sipas tij, numri i viktimave nuk dihet ende dhe se ekipet e shpëtimit kanë dalë në vendngjarje.
Si në Kiev, shpërthime janë dëgjuar edhe në qytetin Lviv, në Ukrainën perëndimore mëngjesin e sotëm.
Guvernatori Maksym Kozytskyi bëri një njoftim në “Telegram”, ku zbulonte se një sulm ajror kishte ndodhur midis orës 05:46 dhe 07:02 me kohën lokale.
Ai tha se mbrojtja ajrore e Ukrainës ishte në punë, por nuk dha informacion të mëtejshëm se çfarë u godit dhe nëse kishte viktima
