Prokuroria e Rrethit Gjyqësor Lezhë ka nisur hetimet për zhdukjen e kryesekretares së Gjykatës së Lezhës Klaudia Marku.
Policia bën me dije se pas denoncimit të bashkëshortit është bërë shpallja në kërkim policor e 34-vjeçares dhe vazhdon puna për gjetjen e saj.
Ndërkohë gazetari i Panorama.al ka siguruar edhe foton e Klaudia Markut, nënë e dy fëmijëve të vegjël.
klaudia marku
Njoftimi i policisë
Më datë 06.04.2022, rreth orës 23:00, ka njoftuar sallën operative të Drejtorisë Vendore të Policisë Lezhë dhe më pas ka bërë kallëzim në Komisariatin e Policisë Lezhë, shtetasi O. M., 38 vjeç, banues në Lezhë, për largimin nga banesa, të bashkëshortes së tij, shtetases K. M., 34 vjeçe.
Menjëherë, pas administrimit të kallëzimit, është bërë shpallja e kërkimit policor e kësaj shtetaseje dhe vijon puna për gjetjen e saj.
Gjithashtu, nga ana e Prokurorisë së Rrethit Gjyqësor Lezhë është regjistruar procedimi penal për këtë rast dhe nën drejtimin e Prokurorisë po kryhen veprime hetimore intensive, për sqarimin e rrethanave dhe motiveve të largimit nga banesa
