Pamjet që shihni vijnë nga Qafa e Murrizit në Rrugën e Arbrit, ku rrëshqitjet e dherave vazhdojnë ende. Gazetari Enver Doçi raportoi në një lidhje live për ‘News24’ se aktualisht po punohet nga të dyja krahët, nga Dibra por dhe ana e Tiranës.
Një masiv i madh dheu është shembur pak metra larg hyrjes së tunelit, duke bllokuar totalisht qarkullimin e automjeteve në drejtim të Tiranës dhe qyteteve të Qarkut Dibër.
Ndërkohë, Doçi tha se ka ende rrëshqitje të dherave nga mali, duke e bërë të pamundur punën e pastrimit të rrugës. Ndërkohë, mjetet po përdorin si alternativë aksin e vjetër rrugor.
