Ministria e Mbrojtjes e Mbretërisë së Bashkuar ka publikuar raportin me përditësimet e fundit në lidhje me luftën në Ukrainë. Inteligjenca britanike në të dhënat e saj pretendon se forcat ukrainase po vazhdojnë të kryejnë kundërsulme të lokalizuara jashtë Kievit.
Raporti duket se vërteton raportet e mëparshme operacionale të lëshuara nga shtabi i përgjithshëm i forcave të armatosura të Ukrainës.
“Forcat ukrainase kanë vazhduar të kryejnë kundërsulme të lokalizuara në veriperëndim të Kievit – duke përfshirë Irpen, Bucha dhe Hostomel. Këto sulme kanë pasur njëfarë suksesi dhe rusët janë larguar nga një sërë pozicionesh.
Megjithatë, Rusia ende paraqet një kërcënim të rëndësishëm për qytetin përmes aftësisë së tyre goditëse.
Forcat ruse kanë vazhduar ofensivën e tyre në Mariupol me granatime të vazhdueshme të rënda të qytetit, megjithatë qendra e qytetit mbetet nën kontrollin e Ukrainës.
