Ministrja e Energjisë dhe Infrastrukturës Belinda Balluku ka deklaruar ditën e sotme se çmimi i energjisë nuk do të rritet dhe nuk do të ketë ndërprerje pavarësisht krizës në të cilët ndodhet vendi.
“Ajo që ne garantojmë dhe është e rëndësishme që ta themi është se energjia nuk do të mungojë për qytetarët, qeveria ka marrë përsipër që të mbulojë shpenzimet e shtuara për familjarët dhe biznesin e vogël, kemi mbrojtur dhe 7 mijë për biznesin e mesëm”, tha Balluku.
Ajo tha se situata është menaxhuar mirë. “Kushte të mira ne konsiderojmë kur të kemi shira në kaskadën e Drinit. Menaxhimi i KEESH ka qenë persistent, është menaxhuar situata mirë.
Të gjitha të dhënat që drejtori i KEESH sapo dha tregojnë qartë se kjo situatë po menaxhohet, e gjithë ndërmarrja e KEESH është në krye të detyrës”, u shpreh ajo.
