Fundi i luftës midis Rusisë dhe Ukrainës mund të varet nga Alina Kabaeva, e dashura e Vladimir Putinit. Sipas raporteve nga Page Six, ajo është nën presion për të ndryshuar mendjen e liderit rus.
“Miqtë e Alinës po i luten që të kthehet në Rusi dhe ta bindë Putinin të ndalojë luftën ”, thanë disa burime anonime. Duket se ai nuk dëgjon askënd, por mund ta dëgjojë atë”, shtuan ata.
Prej disa javësh Alina ndodhet në Zvicër, në një vend të panjohur, me vajzat e Putinit: duket se politikani bëri gjithçka për të siguruar gjysmën e tij më të mirë përpara pushtimit të Kievit. Duket se sportistja posedon pasaporta false me të cilat arrin të lëvizë pa ngjallur shumë dyshime.
Peticioni kundër Alinës
Ndërkohë në Change.org ka dalë një peticion për dëbimin e gruas nga Zvicra. Apeli tashmë është nënshkruar nga 60 mijë persona.
Kush është Alina Kabaeva
Vajza e një futbollisti sovjetik, Alina Kabaeva është një ish-yll i gjimnastikës ritmike ruse. 38 vjeç, ajo ka fituar dy herë medaljen e artë olimpike dhe kampionatin botëror. Sidoqoftë, në vitin 2001, në Madrid, fitorja e saj u anulua për doping. Më vonë ajo punoi si modele dhe sipërmarrëse përpara se të hynte në botën e politikës. Nga viti 2007 deri në 2014 ajo ishte Deputete në radhët e partisë Rusia e Bashkuar. Në shtator 2014 ajo u bë kryetare e bordit të drejtorëve të National Media Group, një grup mediatik që kontrollon Izvestia, Channel One. Nga dashuria e saj e fshehtë me Putin, Alina, në 2015 lindi binjakë në Zvicër.
