Një konflikt për motive të dobëta është bërë shkak për të shtënat me armë zjarri drejt një furre buke në Shkodër. Policia bën me dije se autori Armando Nderu 32 vjeç ka qëlluar me armë zjarri në drejtim të furrës së bukës në pronësi Sadet Salës duke shkaktuar vetëm dëme materiale. Kjo ka ndodhur pas një konflikti mes tyre për motive të dobëta.
“Rreth orës 19:40, në lagjen “Skënderbeg”, Shkodër, shtetasi A. N., 32 vjeç banues në lagjen “Skënderbeg”, si pasojë e një konflikti për motive të dobëta, me shtetasin S. S., dyshohet se ka qëlluar me armë zjarri në drejtim të një objekti (furrë buke) në pronësi të shtetasit S. S., duke shkaktuar vetëm dëme materiale“, thotë policia.
Shërbimet e Policisë kanë rrethuar zonën dhe vijon krehja e saj, me qëllim kapjen e autorit. Grupi hetimor ndodhet në vendngjarje dhe nën drejtimin e Prokurorisë vijon punën për sqarimin e plotë të rrethanave të ngjarjes.
