Ka folur mbrëmjen e sotme në “Open”, Grida Duma, e cila tha se dorëheqja e Bashës ishte lajm i mirë për të gjithë.
Ajo u shpreh ndër të tjera se tani mbetet vetëm të zgjidhen platformat për ringritjen e Partisë Demokratike.
“Kam shprehur qëndrimin tim ndaj dy kryetarëve të fundit të PD-së. Nuk është ky momenti. Demokratët po presin platformat e ringritjes. PD e ka kohën shumë të vyer. Një trupë që guidon procesin e zgjedhjeve duhet të merret me këtë proces.
Nuk duhet ta ndajmë PD-në në njerëz të Berishës dhe Bashës. Ne e parashikonim dorëheqjen e Bashës. Duhet të marrim vendime me një strukturë në bazë të gjerë. Duhet menduar mirë,” tha Duma
