Qeveria polake po përgatitet të paraqesë idenë e një misioni paqeruajtës në Ukrainë në samitin e NATO-s dhe Këshillit Evropian.
Lajmi është bërë i ditur nga zëdhënësi i qeverisë polake Piotr Mueller, i cituar nga agjencia “Pap” dhe është publikuar nga UNIAN.
Gjatë fjalës së tij Mueller vuri në dukje se ky nuk është një mision që duhet të hyjë në konflikt të drejtpërdrejtë me Moskën: “Ai duhet të instalohet në vende që aktualisht nuk janë të okupuara nga Rusia për të dërguar një sinjal të qartë se ne nuk pajtohemi me krimet e luftës”, tha ai.
Ndërkohë që kujtojmë se deri më tani tentativat për të arritur një marrëveshje mes Ukrainës dhe Rusisë kanë dështuar, ndërsa palët e treta po përpiqen të ndërhyjnë që të gjendet një zgjidhje për ndalimin e luftës, e cila sot është në ditën e 23.
