Në mbledhjen e Këshillit të ministrave ditën e sotme është vendosur që dita e hënë të jetë pushim zyrtar. Duke qenë se dita e martë 22 mars është pushim zyrtar për shkak të festës së Sulltan Novruzit, qeveria ka vendosur që të bëhet pushim edhe e hëna e 21 marsit. Arsyeja për këtë vendim mësohet se ka të bëjë me kursimin e energjisë. Pra administrata do të ketë 4 ditë pushim, nga e shtuna deri të martën. Dita e pushimit do të zëvendësohet në një nga ditët e pushimit brenda këtij viti.
