Kameramani i Fox News është vrarë gjatë raportimit në Ukrainë të hënën. Shefja ekzekutive e Fox News, Suzanne Scott informoi të martën: “Me pikëllim të madh ndajmë lajmin e hidhur për kameramanin tonë të dashur Pierre Zakrzewski”.
Zakrzewski ishte me korrespondentin Benjamin Hall kur automjeti i tyre u bombardua, rreth 20 km në veriperëndim të kryeqytetit. Ajo shtoi se Hall është shtruar në një spital në Ukrainë.
“Pierre ishte një fotograf i zonës së luftës që mbuloi pothuajse çdo histori ndërkombëtare për Fox News nga Iraku në Afganistan e deri në Siri gjatë qëndrimit të tij të gjatë me ne”, u shpreh Suzanne Scott.
Pierre punoni në Ukrainë që nga shkurti.
