“Lufta në Ukrainë e shoqëruar me sanksione të ashpra kundër Rusisë përbën një kërcënim për ekonominë gjermane”, kështu është shprehur kancelari gjerman Olaf Scholz.
Kancelari gjerman Scholz ka zhvilluar një konferencë të përbashkët me mbretin jordanez Abdullah II, ku edhe është shprehur se duhet krijuar të gjitha mundësitë që ekonomia të mos dobësohet në këto kohë krize.
“Ne duhet të kuptojmë shumë mirë se kjo luftë në Ukrainë sjell sfida për ne në lidhje me pasojat ekonomike të sanksioneve. Disa po shprehin shqetësim për sigurinë ushqimore”, ka thënë ai.
