Organizata Botërore e Shëndetësisë është shprehur e shqetësuar për luftën në Ukrainë, duke deklaruar se mund të përkeqësojë pandeminë e koronavirusit.
Nga java e kaluar, rastet në rajon janë ulur por ekziston rreziku i konsiderueshëm që të ketë sëmundje më të rënda dhe vdekje për shkak të shkallës së ulët të vaksinimit në Ukrainë, si dhe midis më shumë se 2 milionëve që kanë ikur nga vendi në zonat përreth.
Sipas Our World In Data, shkalla e vaksinimit ndaj Covid-19 në Ukrainë është rreth 34%, ndërsa ajo fqinje e Moldavisë është rreth 29%.
Ka pasur gjithsej 791,021 raste të reja të Covid-19 dhe 8,012 vdekje të reja në Ukrainë dhe në vendet përreth midis 3 dhe 9 marsit, tha një raport i situatës së OBSH-së i publikuar të dielën.
