Trupat ruse vazhdojnë të përballen me kundërsulme të vazhdueshme nga pala ukrainase dhe viktimat në radhët e ushtarëve të dërguar nga Vladimir Putin janë në rritje.
Rusia po përpiqet të rrethojë dhe të marrë kontrollin e kryeqytetit ukrainas, Kievit.
Ja zhvillimet më të fundit në ditën e 18 të pushtimit rus, sipas BBC:
Njerëzit në Mariupol thuhet se po durojnë temperaturat e ulëta, pa energji elektrike dhe me pak ushqim e ujë.
Forcat ruse janë tani 25 km larg nga kryeqyteti ukrainas.
Rusia nisi sulmin e saj në orët e para të 24 shkurtit nga tre drejtime kryesore: veriu, jugu dhe lindja.
Objektivat në të gjithë vendin janë sulmuar nga toka, deti dhe ajri.
Ndër sulmet e fundit ishte ai me raketa në një bazë stërvitore ushtarake, në perëndim të Lviv, afër kufirit me Poloninë.
Kjo bazë ushtarake është përdorur nga trajnuesit e NATO-s.
Qyteti i Ivano-Frankivsk është goditur gjithashtu nga sulmet ajrore ruse të dielën.
Lufta për Kievin
Forcat ruse po përpiqen të rrethojnë kryeqytetin ukrainas, trupat tani po lëvizin drejt qytetit nga pozicione të ndryshme.
Një autokolonë e blinduar ruse 40 milje e gjatë tani është shpërndarë në zonën në perëndim të Kievit, duke hedhur më shumë artileri dhe raketa brenda rrezes së kryeqytetit.
Qyteti po përgatitet për sulm, ku forcat dhe vullnetarët ukrainas që ndërtojnë mbrojtje të reja dhe krijojnë barrikada në rrugët kryesore për të ngadalësuar çdo sulm rus.
Forcat ruse bënë disa përparime të kufizuara drejt anës lindore të Kievit të shtunën, por nuk kryen operacione sulmuese në veri-perëndim të qytetit, sipas Institutit për Studimin e Luftës (ISW).
Trupat ruse tani kanë marrë ne kontroll një pjesë të anës lindore të Mariupolit, por ne perëndim qyteti mbetet nën kontrollin ukrainas.
Njerëzit janë bllokuar pa ushqim, ujë apo energji elektrike dhe trupat e viktimave janë varrosur në varreza masive.
Luftimet vazhdojnë në rajonin e Donetsk. Të dielën, një manastir që përdorej për të strehuar më shumë se 500 refugjatë, përfshirë 200 fëmijë, u godit nga një sulm ajror në një urë aty pranë.
Dnipro është sulmuar ditët e fundit dhe është strategjikisht i rëndësishëm si një pikë konvergjence për trupat ruse që vijnë nga jugu dhe lindja.
Që nga fillimi i pushtimit, 2.7 milionë njerëz janë larguar nga Ukraina, sipas OKB-së .
Kjo është kriza me rritjen më të shpejtë të refugjatëve në Evropë që nga Lufta e Dytë Botërore.
