Një 40-vjeçar shqiptar dhe një bashkëkombëse e tij kanë përfunduar në gjykatën e Brescias pasi u kapën me disa kilogramë drogë.
Dy shqiptarët u zbuluan nga karabinierët e Montichiari, ku iu gjetën 22 kg hashash e marijuanë të fshehura në një makinë që vinte nga Shqipëria. Për më tepër rezultoi që gruaja ishte në kërkim dhe e lidhur me tregun e narko-trafikut.
Pikërisht për të ka nisur procesi gjyqësor, ndërsa për burrin do të nisë në dhjetor. Karabinierët i kishin ndaluar dy shqiptarët, pasi i kishin pikasur duke shkarkuar disa pako nga makina për në banesë. Kjo e fundit ishte në emër të një shqiptari tjetër me precedentë penalë dhe ishte nën vëzhgim prej kohësh.
Më pas karabinierët ndërhynë duke zbuluar drogën. 40-vjeçari ishte brenda me pakot, ndërsa gruaja ishte fshehur në një dollap në ballkon. Më pas gënjeu karabinierët duke iu thënë se ishte thjesht një mysafire por kishte një kartë dokument identiteti false.
