UEFA ka caktuar katërshen e arbitrave që do të gjykojnë ndeshjen mes serbëve të Partizanit të Beogradit dhe Skënderbeut që do të mbahet të enjten në orën 19.00. Gjyqtari i këtij takimi do të jetë Carlos Del Cerro, arbitër spanjoll i “La Liga-s”.
Carlos Del Cerro mban stemën e FIFA-s dhe ka gjykuar 20 ndeshje ndërkombëtare. Vitet e fundit ai ka gjykuar sfida të raundeve kualifikuese të Champions League dhe Europa League. Del Cerro njihet si një arbitër që nuk i kursen kartonat gjatë ndeshjeve.
Carlos Del Cerro ka një eksperiencë të gjatë si arbitër në La Liga duke gjykuar në total 122 sfida. Asistentë të 41 vjeçarit spanjoll, do të jenë dhe tre bashkëkombas të tij: Juan Yuste është asistent i parë, Roberto Alonso asistent i dytë dhe arbitër i katërt do të jetë Javier Rodriguez.
