Ministria e Mbrojtjes në Rusi ka kritikuar qeverinë ukrainase për shpërndarjen e armëve për civilët, duke thënë se kjo “do të çojë në mënyrë të pashmangshme në aksidente dhe viktima”.
“Regjimi nacionalist i Kievit shpërndan masivisht dhe në mënyrë të pakontrolluar armë të vogla automatike, granatahedhës dhe municione për banorët e vendbanimeve ukrainase,” tha zëdhënësi i Ministrisë së Mbrojtjes, gjeneralmajor Igor Konashenkov në një deklaratë të shtunën.
“Përfshirja e popullsisë civile të Ukrainës nga nacionalistët në armiqësitë do të çojë në mënyrë të pashmangshme në aksidente dhe viktima.”
Pavarësisht pretendimeve ruse për të kundërtën, provat sugjerojnë se infrastruktura civile është nën sulm. Raportet rreth godinave të ndërtesave të banimit dhe kopshteve të fëmijëve, civilëve të vrarë dhe raketave të gjetura në rrugët e banimit janë përhapur që nga fillimi i ofensivës.
Komisioneri Evropian për Menaxhimin e Krizave Janez Lenarçiç tha të shtunën se ai dënon “më fuqishëm” sulmet ruse ndaj civilëve dhe infrastrukturës civile në Ukrainë.
Konashenkov përsëriti gjithashtu pretendimet se ushtria ukrainase po vendoste pajisje të rënda ushtarake në zonat civile.
“Të dhënat tona të inteligjencës vazhdojnë të regjistrojnë dislokimin e njësive të raketave dhe artilerisë nga nacionalistët ukrainas në zonat e banuara jo vetëm në Kiev, por edhe në qytete të tjera të Ukrainës”, tha ai.
“Ne i bëjmë thirrje popullit të Ukrainës që të jetë i ndërgjegjshëm, të mos dorëzohet para këtyre provokimeve të regjimit të Kievit dhe të mos ekspozojë veten dhe të dashurit e tyre ndaj vuajtjeve të panevojshme”, përfundoi Konashenkov.
Përkundrejt këtyre deklaratave, vetë qytetarët rusë janë parë duke ndërtuar koktej molotovi e barriera për të ndaluar tanket ruse. Ata janë shprehur se do të përballojnë sulmet me çfarëdolloj kostoje.
