48 orët e fundit kanë qenë tepër të rënda për botën në përgjithësi dhe Ukrainën dhe qytetarët e saj në veçanti, që po përballen me një pushtim dhe agresion të ashpër rus.
Shumë persona janë vrarë, qindra mijëra qytetarë janë larguar nga banesat e tyre dhe shumë të tjetër, janë të pasigurt për fatet e tyre.
Në një video të publikuar në rrjete sociale, një vajzë e plagosur ukrainase, i bën një apel Presidentit rus, Vladimir Putin.
“Vladimir Putin, fëmijët në Ukrainë kanë një apel për ty, largoji trupat ushtarake nga Ukraina”, shprehet vogëlushja.
Vlen të përmendet se situata është tepër e agravuar në orët e fundit. Forcat ruse ndodhen shumë pranë Kievit dhe nga ana tjetër, forcat ukrainase ndodhen në gatishmëri për të mbrojtur kryeqytetin e vendit.
Putin ka shprehur gatishmërinë për dialog, por me kushtin që bisedimet të zhvillohen në Minsk dhe Ukraina të shpallë neutralitetin. Edhe presidenti ukrainas ka thënë që vendi i tij është i gatshëm për bisedime, por nuk dihet se kur do të ndërmerret ky hap.
