Komisioni Hetimor për inceneratorët është shoqëruar me debate të ashpra mes kryetares së Komisionit, Jorida Tabaku dhe kryetarit të bashkisë së Tiranës, Erion Veliaj, i cili sot ishte i thirrur për të dhënë dëshminë e tij.
Debatet mes tyre kanë degjeneruar në akuza personale. Veliaj e akuzoi Tabakun për mashtrim, duke i kujtuar se ai ka fituar përballë saj dhe gjykata e ka dënuar për shpifje.
Nga ana tjetër Tabaku kërkoi administrimin e vendimit te këshillit bashkiak, duke i thënë se do ta ketë përballë sa herë ka abuzime, duke i thënë “se të mund ty dhe këta të 10”, duke iu referuar anëtarëve socialistë të komisionit.
Debatet:
Tabaku: Më lexo vendimin e këshillit bashkia, mos bëj si viktimë se nuk je viktimë.
Veliaj: Po të jetë për përballjet tona unë të kam mundur në gjyq dhe je e dënuar për shpifje.
Tabaku: Më lexo vendimi i këshillit bashkia…
Veliaj: Ja ku e ke, unë në dallim nga ju vij i përgatitur dhe nuk sajoj dhe nuk dëgjoj Monikën të TV. Më lerë të mbaroj se kjo që po bën është e padrejtë. Sapo ju provova që kam folur në emër të bashkisë dhe jo të qarkut. Po ju lexoj që të njëjtën shkresë ka shkuar edhe Isa Sakja i Kavajës.
Tabaku: Do ta administroj edhe kërkesën e Isa Sakjës.
Veliaj: E vetmja gjë që unë i them Sakjes është që bie parimisht dakord….Ju përshini vetëm shkresën time
Tabaku: Nuk kam ardhur të dëgjoj politikën tënde.
Veliaj: Ke ardhur të mësosh dhe mos gënjesh
Tabaku: Ti je gënjeshtari më i madh në këtë vend
Veliaj: Je dënuar me vendim gjykatë
Tabaku: Sakja nuk e ka territorin e Tiranës dhe të kavajës. Pyetjes i bëj unë këtu. I kërkoj që të administrojmë vendimin e këshillit bashkiak. Ju lutem, administroni vendimin e këshillit bashkiak.
Veliaj: Jam duke u përgjigjur…merr pushim dhe qetësohu
Tabaku: Lexo vendimin e këshillit bashkiak të Tiranës
Veliaj: Në dallim nga bashkia e Vorës…pi ujë dhe qetësohu
Tabaku: Aq e qetë jam sa ke 10 mbrojtës këtu dhe ju dal ballë ty dhe këtyre këtu
Veliaj: Gjykata të ka nxjerrë shpifëse
Tabaku: Bashkë jemi përballur dhe përballë do më kesh sa herë …fatkeqësia më e madhe është se ti përdor SPAK si qen sulmi. Unë nuk e bëj dot. Ti e përdor prokurorinë si qen sulmi.
