Ish-eurodeputetja Doris Pack, e cila është përdorur historikisht nga Sali Berisha, sa herë ky i fundit ka pasur ndonjë halla, reagoi pas mesazhit të ambasadores amerikane Yuri Kim, një ditë më parë.
Pack shkruan se asnjë ambasador nuk sillet si Yuri Kim.
“Zonja ambasadore Kim: nuk ka asnjë ambasador në ndonjë vend demokratik që sillet si ju. Ju po ndërhyni në mënyrë të vazhdueshme në çështjet e brendshme të Shqipërisë. Ju nuk i bëni asnjë nder vendit tuaj, SHBA-së. Më vjen turp nga ju,” shkruan Pack, e cila është përdorur si kamikaze nga Berisha për vite me radhë, falë edhe miqësisë së ngushtë që ajo ka pasur me Genc Pollon..
Një ditë më parë, ambasadorja Kim iu drejtoi një pyetje kandidatëve për garën e 6 marsit, duke tërbuar Berishën dhe njerëzit e tij.
“Pyetje për kandidatët: Nëse sponsorizuesi kryesor i juaj është dikush i shpallur “non grata” për korrupsion domethënës, çfarë po u premtoni votuesve saktësisht?
Kush do të jenë pronarët tuaj nëse fitoni dhe çfarë detyrimi do të keni kundrejt tyre? Çfarë duhet të presin shqiptarët? Çfarë duhet të presin Shtetet e Bashkuara?”, shkroi Kim.
