Disa ditë pas vizitës së Presidentit të Turqisë, Recep Tayip Erdogan, qeveria shqiptare ka nisur shpërndarjen e çelësave të apartamenteve për banorët që u prekën nga tërmeti i 26 nëntorit.
Kryebashkiakja e Kurbinit, Majlinda Caka bëri të ditur në një prononcim për mediat se të gjithë qytetarët do të kenë sëshpejti shtëpitë e tyre ndërsa ka folur dhe për fazën tjetër të procesit të rindërtimit.
“Nga dita e djeshme, pas vendimit të qeverisë, të gjitha objektet e banimit në zonën 1.1 për zhvillim ik kaluan në pronësi të Bashkisë së Kurbinit. Ka filluar procesi i shpërndarjes së çelësave të apartamenteve ku ditën e djeshme përfundoi një pjesë e madhe e bllokut të pallateve. Sot përfundojmë në total gjithë zonën 1.1 me 522 apartamente dorëzimin e çelësave tek banorët” – tha Cara.
Kryetarja e Bashkisë së Kurbinit, znj. Majlinda Cara, tha gjithashtu se ky proçes ka vijuar edhe për 218 familje që kanë preferua të marrin vetë grantin për ndërtimin e banesave të tyre, 112 prej të cilave janë thuajse në përfundim të ndërtimit të tyre dhe pjesa tjetër po aplikojmë për lejet e ndërtimit dhe pritet të fillojnë.
Bashkia e Kurbinit është duke rindërtuar 225 ndërsa të tjera, ku kjo njësi vendore është zhvilluese e tyre dhe po vijohet intensivisht.
“Përsa i përket banesave individuale, tashmë në Bashkinë Kurbin 218 familje kanë preferuar të marrin grantin dhe të ndërtojnë vetë banesën e tyre. Ka filluar ndërtimi I tyre. Rreth 112 jemi në process përfundimi dhe pjesa tjetër po vijojnë aplikimet për leje ndërtimit. Një pjesë e mirë e banesave, ka nisur procesi I rindërtimit” – tha Cara.
Në Bashkinë e Kurbinit janë 522 apartamente që janë ndërtuar së fundmi nga qeveria turke, ndërsa dorëzimi i çelësave ishte vonuar përshkak se nuk i kishte kaluar ende pornësia kësaj bashkie
