Kryetari I Partisë Demokratike, Lulzim Basha, pak minuta më parë ka mbërritur në Prokurorinë e Posaçme.
Burime për mediat bëjnë me dije se kryedemokrati pritet të merret në pyetje nga prokurorët belgë në lidhje me dosjen “Toyota Yaris”
Prokurorët belgë kanë mbërritur në Tiranë para tre ditësh dhe se sipas raportimeve nuk do të largohen pa marrë në pyetje kreun e PD, Lulzim Basha, i cili ishte i pari që denoncoi mbërritjen në Tiranë të një makine “Toyota Yaris” nga Belgjika me 3.4 milion euro të pa deklaruara brenda saj.
Kujtojmë që në muajin qershor të vitit 2018, janë sekuestruar dy makina “Toyota Yaris” të mbërritura nga Belgjika në Portin e Durrësit, 3 milionë e 470 mijë euro.
Për këtë çështje, gjykata ka dënuar me 1.5 vite burg Ervis Vladin, i cili u kap 3 vite më parë me 3.4 milion euro në Durrës. Vladi është dënuar me burg nën akuzën “mosdeklarim të ardhurash në kufi”. Ai përfiton nga gjykimi i shkurtuar dhe do të vuaj një vit burg.
