Greqia ka lëshuar urdhër-arrestin ndërkombëtar për 20-vjeçarin shqiptar i cili konsiderohet si truri i atenatit të vrasjes së 19-vjeçarit grek Alkis Kampanos në Selanik. Shteti grek pretendon se i riu shqiptar fshihet në vendin tonë pas vrasjes brutale të Alkis Kampanos nga një grup tifozësh.
Kërkesa për ekstradimin e 20-vjeçarit shqiptar ka mbërritur te autoritetet shqiptare. Ndërsa ka nisur edhe procesi për gjetjen dhe arrestimin e tij. Hetimet kanë nisur nga pikat kufitare por për momentin nuk ka asnjë informacion.
Mediat greke pretendojnë se i riu nuk është arratisur i vetëm drejt Shqipërisë po është ndihmuar nga njerëz të tjerë.
Roxhers Demirazi, dyshohet se ka hyrë në territorin shqiptar përmes pikës kufitare të Kakavijës pa probleme, pasi akoma nuk ishte shpallur në kërkim nga autoritetet greke.
I riu shqiptar është 11-të në listën e huliganëve që morën pjesë në sulmin ndaj Alkis Kampanos në 1 shkurt të këtij viti. Ai është i vetmi që nuk është arrestuar, pas dorëzimit të “Athinasit” ditën e djeshme.
Çfarë thonë huliganët për shqiptarët, ‘trurin e atentatit’?
Të gjithë huliganët e arrestuar për vrasjen e 19 vjeçarit grek, bëjnë fajtor për vrasjen e 19 vjeçarin grek, të riun grek me iniciale G.K si dhe shqiptarin që është shpallur në kërkim si ‘trurin’ e këtij atentati. Ndërkaq, 25-vjeçari “Athinas” i cili u dorëzua dje tek autoritetet greke, i quajtur Alexandros Velalopoulos, konsiderohet si huligan i ashpër i skuadrës së PAOK-ut. Velalopoulos, i cili jeton në një zonë të Athinës, vitin e kaluar ka jetuar në Selanik, ku ka punuar si transportues. Ndaj tij ka rënë versioni se ka shkuar në Selanik me qëllimin për të marrë pjesë në vrasjen e Alkisit. Në të njëjtën kohë, të arrestuarit e tjerë janë përfshirë në lojë rrëfimesh duke dhënë versione të ndryshme të ngjarjes së rëndë që ndodhi në orët e para të datës 1 shkurtit. Ndërkaq, shqiptari tjetër i arrestuar, 23-vjeç ka pranuar se ka qenë i pranishëm në vendngjarje por si autor të vrasjes ai konsideron 21-vjeçarin grek, G.K.
