Ministri britanik i Mbrojtjes, Ben Wallace ka njoftuar se Mbretëria e Bashkuar do të dërgojë 350 trupa ushtarakë në Poloni.
Britania e Madhe vendosi vitin e kaluar 100 trupa në Poloni për ta ndihmuar në krizën me të cilën përballej në kufirin e saj me Bjellorusinë.
“Ne do të shtojmë mbrojtjen… duke dërguar 350 trupa të tjera britanike në Poloni si një dislokim dypalësh për të treguar se ne mund të punojmë së bashku dhe të dërgojmë një sinjal të fortë se Britania dhe Polonia qëndrojnë krah për krah,” tha Wallace në një konferencë shtypi, ku i pranishëm ishte edhe homologu polak.
