Operacioni i policisë së Elbasanit i zhvilluar një mbrëmje më parë ku u arrestuan disa zyrtarë të burgjeve, është fillimi i një aksioni më të gjerë.
Këtë e ka bërë të ditur Prokurori i Elbasanit, Kreshnik Ajazi gjatë një prononcimi për mediat. Ai u shpreh se hetimi ka nisur pas informacioneve nga Drejtoria e Kontrollit të Brendshëm të burgjeve.
Më tej, Prokurori Ajazi deklaron se po vijojnë hetimet edhe në fushën e abuzimit me detyrën si dhe hetime në institucione të tjera vendore.
“Ka të bëjë me sigurinë në sistemin e burgjeve. Është e nevojshme për institucionet por ka rëndësi dhe për ngjarje të tjera të rënda. Ashtu sikur e bëri me dije drejtori, ky procedim penal është në fazën e hetimeve paraprake, mund të kemi dhe zhvillime të tjera. Ne kemi mbyllur vetëm një etapë të operacionit. Hetimin ka ardhur në bazë të referimit nga Drejtoria e Kontrollit të Brendshëm të Burgjeve. Janë referime dhe informacione të këtyre institucioneve. Brenda kompetencës që na jep ligji, ne jemi duke zhvilluar hetime në fushën e abuzimit me detyrën, po hetojmë dhe nëpër institucione të tjera vendore” – tha Ajazi.
