Pas shumë viteve, programi “Arratia e Peshkut të Kuq”, është mbyllur. Rezarta Reçi, e ftuar te “Rudina” ka treguar hapur arsyen përse emisioni nuk do të ketë vazhdimësi, në “News 24”. “Siç tha edhe një kolegia ime, u mbyll se nuk prodhon para. Do bëhet diçka nga e cila fitohen para”, tha Rezarta. Në kaq shumë vite pune në televizion Rezarta duhet ta dijë që televizioni privat është biznes dhe nëse programi vërtet nuk prodhon para, patjetër që do të mbyllet. Sidomos kur bëhet fjalë për emisione të tillë që kanë në qendër vetëm personazhe. Pas aq shumë vitesh figurat harxhohen. Shqipëria aq është dhe personazhet aq janë. Pasi i ke kaluar të gjitë në dorë, do rrezikosh të riciklosh të njëjtët. Ose do përfundosh te ata periferikët. Ose do pranosh që emisioni e mbaroi misionin e tij dhe duhet menduar diçka e re. Ose do t’i vësh kyçin.
Megjithatë Rezarta nuk ka hequr dorë. Emisioni është i saji dhe po mendon ta bëjë diku tjetër. Për momentin është angazhuar me shkrimin e një libri mbi intervistat më interesante që ka realizuar, ndaj personazheve që nuk jetojnë më.
Dhe pasi libri u botua, po shikon opsionet për të vazhduar me programin.
