Milani duket se do të tentojë përforcimin e skuadrës edhe gjatë afatit kalimtar të janarit.
Transferimet e verës së vitit të kaluar nuk kanë sjellë më të mirën në klub dhe kjo ka bërë që ‘Kuqezinjtë’ të mendojnë për përforcime.
Emri më i ri në listën e Milanit është mesfushori ofensivë gjerman, Julian Brandt.
Reprezentuesi gjerman ka shkëlqyer këtë edicion me Bayer Leverkusenin dhe ka tërhequr vëmendjen e Milanit.
Sipas mediave gjermane ‘Rossonerët’ janë të gatshëm të paguajnë rreth 25 milionë për transferimin e tij në ‘San Siro’.
Por skuadra italiane duhet ta mposhtë konkurrencën e Bayernit e cila gjithashtu e dëshiron mesfushorin ofensivë.
21-vjeçari iu bashkua Leverkusenit nga të rinjtë e Wolfsburg katër vite më parë, ndërsa kontrata e tij me klubin gjerman skadon në verën e vitit 2019.
Brandt këtë edicion ka shënuar pesë gola dhe ka asistuar në pesë të tjerë në 21 paraqitjet e tij me Leverkusenin.
