Nga bulevardi “Dëshmorët e Kombit” para kryeministrisë, ish-kryeministri Sali Berisha u shpreh se kjo është një protestë mbrojtje të interesave jetike të kombit shqiptar dhe shoqërisë shqiptare.
Ai tha se kjo është një protestë kundër një projekti i cili shkon në kurriz të mbarë kombeve të Ballkanit, ku ka interes vetëm Beogradit.
Berisha: Me këtë protestë ngrihemi në mbrojtje të interesave jetike të kombit shqiptar dhe shoqërisë shqiptare, kemi mbledhur sot këtu për të protestuar kundër projektit fantazëm të Beogradit-Tiranës-Shkupit. Kjo nuk është një protestë kundër bashkëpunimit rajonal; ne jemi të angazhuar për një bashkëpunim të frytshëm rajonal në kuadër të integrimit euroatlantik.
Kjo është një protestë kundër një projekti i cili shkon në kurriz të mbarë kombeve të Ballkanit përpos Beogradit. Jemi kundër një projekti i cili ëhstë refuzuar nga 3 shtete të Ballkanit dhe është shpallur si kërc137nim nga Kroacia. Ky projekt do të vendosë hegjemoninë serbe në rajon. Në fillimit e tij ky projekt donte të mashtronte kombet e Ballkanit dhe më vonë mori emrin Ballkani i Hapur duke nderuar autorin Soros, i cili nuk nguronte të promovonte ndarjen e Kosovës në baza etnike. Ky është një projekt përmes të cilit Vuçiç dhe Rama e kanë rrethuar Kosovën dhe duan t’i asgjësojnë pavarësinë asaj.
