Duke lënë pas heshtjen në një intervistë të gjatë për Gazetën e së Dielës, e para dhënë për median nga drejtuesi 47 vjeçar mjaft i rezervuar, Emmanuel Besnier mbrojti deri në fund menaxhimin ndaj krizës, e kritikuar hapur këto ditët e fundit nga qeveria dhe konsumatorët.
“Në asnjë moment nuk ka patur vullnet për të fshehur gjërat”, u shpreh Besnier, i cili drejton biznesin familjar prej vitit 2000, në gjurmët e të atit dhe gjyshit përpara tij.
Po është e vërtetë, nuk jam një natyrë e hapur. Në një krizë si rasti konkret, duhet fillimisht të kalohet në veprim”, u justifikua ai për të sqaruar refuzimin e tij për të folur deri më tani.
Në fund të një takimi të premten me ministrin e Ekonomisë, Bruno Le Maire, i cili e kritikoi një “biznes të dështuar”, grupi Lactalis njoftoi grumbullimin e të gjithë sasisë së qumështit për foshnje të prodhuar në fabrikën e kontaminuar në Craon (perëndim), duke zgjeruar edhe më tej thirrjet e njëpasnjëshme të lëshuara prej fillimit të dhjetorit.
Emmanuel Besnier u shpreh se i ka propozuar ai vetë qeverisë këtë masë që prek 83 shtete, kryesisht Kinën apo Algjerinë.
“Duhet matur rrezja e këtij operacioni, më shumë se 12 milionë kuti qumështi janë të përfshira”, theksoi ai duke siguruar se shpërndarësit nuk do të duhet më për të klasifikuar produktet në varësi të datës së prodhimit. Ata e dinë se duhet hequr gjithçka nga raftet.
ATA
