Ministria e Drejtësisë i ka kaluar dosjen e ish-prokurorit të Përgjithshëm, Adriatik Llallës, Ministrisë së Jashtme.
Burime për mediat bëjnë me dije se Ministria e Jashtme pasi të shqyrtojë “Dosjen Llalla” brenda 24 orëve do t’ja dorëzojë Interpolit.
Do jenë autoritetet italiane ato të cilat më pas do të vendosin nëse do të ekstradojnë Lallën në Shqipëri apo jo.
Kujtojmë se ish-Prokurori i Përgjithshëm, Adriatik Lalla, u arrestua më 10 dhjetor në Romë.
Llalla ishte shpallur në kërkim ndërkombëtar nga Interpol Tirana, pasi Gjykata e Posaçme e Shkallës së Parë për Korrupsionin dhe Krimin e Organizuar e ka dënuar me 2 vite burg.
