Situata në Qarkun Kukës për sot datë 06.12.2021 ora 14:30 është:
I gjithë territori i Qarkut Kukës është përfshirë nga një situatë moti me reshje shiu me intensitet të lartë gjatë ditës së sotme.
Nga informacionet e marra nga terreni rezulton se:
Rrugët nacionale janë të qarkullueshme normalisht. Ka patur rënie inertesh në disa segmente rruge, sidomos në akset rrugore nacionale, por si rezultat i punës së bërë nga kontraktorët që kanë në performancë këto rrugë është bërë e mundur pastrimi i tyre pa penguar qarkullimin.
Nga informacioni i marrë nga Përgjegjësit e EC-së së bashkive Kukës dhe Has nuk ka raportime për ndonjë problematikë emergjente. Ndërsa në bashkinë Tropojë si rezultat i reshjeve të shiut është bllokuar nga rrëshqitja e inerteve rruga që lidh fshatin Gegysen me Nj.Ad Bujan.
