Policia e Tiranës ka arrestuar drejtuesin e ambulancës Ilir Shullazi 56 vjeç pas aksidentit me vdekje që ndodhi të dielën në orët e para të mëngjesit në rrugën e Rinasit.
Nga ky aksident i rëndë humbi jetën 42-vjeçarja Anila Berdaku, e cila ishte paciente dhe po transportohej me ambulancë nga Kruja.
Policia ka proceduar penalisht në gjendje të lirë edhe shoferin e makinës Volkswagen që u përplas me ambulancën, Antigon Abazi 28 vjeç.
Shoferi i ambulancës dyshohet se ka kryer një parakalim të gabuar dhe kjo mendohet të ketë shkaktuar aksidentin.
Nga përplasja e mjeteve u plagosën edhe infermieri Arjan Balloku 30 vjeç e Marsida Bërdaku 32 vjeçe që ndodheshin në ambulancë.
I dëmtuar mbeti edhe 22-vjeçari Yrmelind Gashi i cili udhëtonte si pasagjer në automjetin tjetër.
