Një burrë është “tërbuar” nga xhelozia pasi pa gruan e tij të ulur në makinën e një burri tjetër, në Kinën verilindore dhe i ka sulmuar ata duke u përballur dhunshëm me çiftin në mes të ditës.
Sipas Daily mail, pamjet tronditëse të kapura nga kamerat e trafikut në Siping, provincën Jilin tregojnë burrin, i cili ka në duar një shtyllë metali, duke fluturuar i tërbuar mbi makinë dhe duke kërcyer mbi kapakun pasi gruaja e tij doli jashtë. Megjithatë, drejtuesi i mjetit nuk e ndaloi automjetin dhe vazhdoi të lëvizte përgjatë rrugës plot makina pasi burri i revoltuar theu xhamin e përparmë me shufrën që mbante në dorë.
Kamera tregon Li, (mbiemri i burrit), duke u ngjitur në mënyrë të rrezikshme në pjesën e përparme të makinës me njërën dorë dhe duke thyer vazhdimisht xhamin me një tjetër. Makina përfundimisht u ndal pasi goditi një makinë tjetër, sipas një deklarate nga policia Siping të shtunën.
Pasi makina ndaloi, dyshja u përleshën fizikisht përpara se kalimtarët e tronditur të ndërhynin dhe të lajmëronin policinë. Li është arrestuar nga policia ndërsa Zhang është liruar me kusht në mes të hetimeve të mëtejshme.
