Ndërsa bota po përjeton një valë të re të COVID-19 dhe në shumicën e vende evropiane po shtrëngohen sërish masat, volejbollistja Elsa Tare ka dhënë mesazhin e saj për pandeminë, duke theksuar se vaksina është i vetmi shpëtim.
Ajo shkruan se shumë nga njerëzit tanë të dashur humbën jetën pa mbërritur vaksina, duke thënë se nëse do e kishin bërë mund të kishin shpëtuar nga virusin.
“Vlerësoni jetën, ajo është e shtrenjtë”, shprehet Tare.
Mesazhin e volejbollistet e ka publikuar ministrja e Shëndetësisë, Ogerta Manastirliu përmes një postimi në rrjetin e saj social Facebook.
Mesazhi i plotë i Elsa Tare:
Vaksinimi është i vetmi shpëtim për jetën dhe shëndetin për secilin prej nesh. Humbëm njerëz të dashur e të shtrenjtë pa radhë e pa moshë, pa arritur dot mbërritjen e vaksinës ndaj COVID-19. Një peng i madh sepse nëse do të ishim vaksinuar, mund të ishin mes nesh. Vlerësojeni jetën, ajo është e shtrenjtë.
