Ndieni që herë pas here mbani erë të keqe në zonën tuaj intime dhe sekrecionet nuk kanë ngjyrë normale?
Ka disa arsye dhe shkaktarë që sjellin këto çrregullime dhe aromat e këqija në pjesët tuaja intime. Më poshtë po ju rendisim 4 prej tyre.
Ushqimet
E keni dëgjuar shprehjen “Ne jemi çfarë hamë?” Nuk është një shprehje e kot, pasi trupi përpunon ushqimin dhe e nxjerr atë përmes djersës. Ka disa ushqime, të cilat shkaktojnë aromën e fortë dhe të keqe, e cila siç shfaqet tek djersa, ndikon edhe në aromën tuaj vaginale. Disa ushqime, si brokoli, lulelakra, qepa, shkaktojnë aroma të forta, ndërsa të tjera, si qitroja, që shkaktojnë aromat e ëmbla, disi më të pranueshme në trup.
Ndryshimet hormonale
Koha e ovulimit dhe periudha para se femrave t’ju vijë cikli menstrual, është momenti i ndryshimeve të mëdha në hormone dhe në organizëm. Gjithashtu gjatë menopauzës aroma në gjenitale ndryshon, sikurse edhe shumë pjesë të tjera të trupit pësojnë ndryshime të dukshme.
Djersa
Zonat më intime të femrave nuk janë të përjashtuara nga sekretimi i djersës. Në fakt, ato përbëhen nga gjëndra djerse, të cilat mund të lëshojnë një lëng që ka prezencë të lartë të baktereve.
Infeksionet
Në rast se zona juaj intime, apo edhe pjesë të tjera të trupit kanë infeksion, menjëherë era do të ndryshojë ndjeshëm. Më të prekura nga ky ndryshim janë femrat që sapo kanë sjellë në jetë fëmijën.
