Policia e Gjirokastrës ka arrestuar një 30-vjeçar të shpallur në kërkim.
Në pranga ka rënë Thanas Papadhimitri, i cili ishte dënuar me 12 muaj burg, pasi akuzohet për veparta penale “Veprime që pengojnë zbulimin e të vërtetës” dhe “Shkelja e rregullave të qarkullimit rrugorë”.
Gjithashtu janë arrestuar shtetasit me iniciale Q. G., 38 vjeç; S. S., 58 vjeç dhe R. Gj., 51 vjeç, banues në Gjirokastër, pasi janë kapur duke prerë dru në vendin e quajtur “Gropa e Odries”, fshati Labovë e Zhapës. Policia ka sekuestruar lëndën drusore.
Njoftimi i policisë:
Dvp Gjirokastër/Specialistët e Seksionit të Hetimit të Krimeve në Komisariatin e Policisë Gjirokastër bënë ndalimin shtetasit Thanas Papadhimitri, 30 vjeç, banues në Gjirokastër. Ky shtetas është dënuar me 12 muaj burg në bazë të vendimit të Gjykatës së Shkallës së Parë Gjirokastër, për veprat penale “Veprime që pengojnë zbulimin e të vërtetës” dhe “Shkelja e rregullave të qarkullimit rrugorë”. –
Gjithashtu po nga këto struktura u referuan materialet në Prokurorinë pranë Gjykatës së Shkallës së Parë Gjirokastër, për shtetasit: Q. G., 38 vjeç; S. S., 58 vjeç dhe R. Gj., 51 vjeç, banues në Gjirokastër, pasi janë kapur duke prerë pyje (dru) në vendin e quajtur “Gropa e Odries”, fshati Labovë e Zhapës, Gjirokastër. Në cilësinë e provës materiale u sekuestruan 5 m3 dru. Materialet në ngarkim të shtetasve të mësipërm i kaluan Prokurorisë për veprime të mëtejshme.
