Gjykata e Tiranës ka vendosur të lërë në burg 27-vjeçarin me inicialet R.K, i cili akuzohet se ka dhunuar dhe abuzuar seksualisht me vajzën e tij të mitur.
Para trupës gjykues, i riu nga Kamza ka pranuar dhunën fizike ndaj vajzës, por jo se ka abuzuar seksualisht.
Sipas tij, e ka rrahur me thupër, pasi vajza e merrte në telefon të ëmën shumë shpesh që t’i shkonte në shtëpi.
Kjo gjë, thotë ai, e ka bezdisur dhe prandaj e ka rrahur. Po ashtu ai ka thënë që e ka çuar vet në spital. Ngjarja mbetet ende e pazbardhur plotësisht, por ësht fakt se ai i ka shkaktuar dëmtim të organeve të brendshme duke shkaktuar hemorragji.
