Në 105-vjetorin e krijimit të Policisë së Shtetit është mbajtur sot një aktivitet në qytetin e Lezhës. Në fjalën e tij para të pranishmëve, kryeministri Edi Rama tha:
“Sot kemi një polici të rilindur. Policia e shtetit po përballet me shumë sfida. Sfida më e madhe është të përballet me të keqen në shoqëri.
Numri i vrasjeve në 2017, është në nivelin më të ulët historik. Në 2017 Shqipëria mbylli një plag të vjetër. Sot nuk ka më “Lazarat” dhe “lazaretër”. Po në 2017 policia i hoqi kriminelëve nga duart 40 milion lekë pasuri.
Policia e shtetit është sot institucioni më i besuar. Spastrimi i policisë së shtetit është sot një mision i përfunduar. Shumë shpejt do largojmë edhe policët e përfshirë në grupet kriminale.
Gjithashtu përsa i përket infrastrukturës, sistemi i monitorimit të rrugëve do të modernizohet.
Armiku më i madh i policisë nuk është krimi, por mungesa e mbështetjes.”
/AlpeNews.al/
ERTV Live😊: Lezhë – 105 VJET POLICI E SHTETIT
Posted by Edi Rama on Saturday, January 13, 2018
